Տարեթիվը` 2013 թվական

Մյուզիքլ

Պրեմիերան` 4 դեկտեմբերի 2013 թ. Երևանի Հ. Պարոնյանի անվան երաժշտական կոմեդիայի պետական թատրոն: Նվիրված է Սայաթ-Նովայի ծննդյան 300-ամյակին:

«Սիրո կամուրջ» մյուզիքլը մերօրյա երիտասարդների մասին է, իրենց երազանքներով ապրող  տարբեր խառնվածքի ու բնավորության տեր տղաների ու աղջիկների, ովքեր  բավական հավակնոտ են և պատրաստ են պայքարելու հաղթանակի հասնելու համար: Մյուզիքլի գլխավոր հերոսը երաժիշտ է, ում բախտ է վիճակվում մասնակցել միջազգային երաժշտական փառատոնին: Հաղթանակը դառնում է նրա երազանքը, իսկ պատահական ծնված սերը` պայքարելու իմաստը: Երազանքների իրագործման ճանապարհին երիտասարդը բախվում է կյանքի անարդարություններին և թևաթափ լինում: Մտորումների խաչմերուկում նա ծանոթանում է թափառական մի աշուղի հետ, ով փոխանցում է հերոսին սայաթնովյան երաժշտության ոգին…

 

Մյուզիքլի լեյտմոտիվը «կամուրջ» է անցյալի ու ներկայի միջև: Այն մերօրյա երաժշտական աշխարհ է ներմուծում Սայաթ-Նովայի՝ սիրով լի մեղեդիները:

Կենդանի կատարմամբ հնչող երգերի ու բարձրակարգ բեմականացմամբ ներկայացվող պարերի միջոցով արտահայտվում են տարբեր հույզեր` սեր, խարդավանք, հիասթափություն, բերկրանք…

Պարային համարները մշակելու և բեմականացնելու համար Մոսկվայից հրավիրվել է հեղինակավոր պարուսույց Վալերի Արխիպովը:

Նախագիծն իրականացվել է ՀՀ մշակույթի նախարարության աջակցությամբ:

 

Բեմադրող ռեժիսոր` Վահան Բադալյան

Սցենարի հեղինակներ` Հակոբ Ռուբինյան, Վահրամ Սահակյան

Կոմպոզիտորներ` Արմեն Մարտիրոսյան, Էմմա Ասատրյան, Քրիստ Մանարյան, Արա Թորոսյան (Մուրզո)

Խոսքերի հեղինակներ` Անիտա Հախվերդյան, Էմմա Ասատրյան, Գրիգոր Կյոկչյան, Քրիստ Մանարյան

Գործիքավորողներ` Արա Թորոսյան (Մուրզո), Մարտին Միրզոյան («Սիրո կամուրջ» երգ)

Բեմադրող պարուսույց` Վալերի Արխիպով

Բեմադրող նկարիչ` Դավիթ Մինասյան

Զգեստների նկարիչներ` Ինեսսա Սևունց, Արամ Նիկոլյան

Հնչյունային ռեժիսորներ` Արման Ավետիսյան, Տիգրան Կուզիկյան

Լուսային ձևավորումը` Վահագն Միքայելյանի

Երաժշտական պրոդյուսեր` Արթուր Ասատրյան

Գործադիր պրոդյուսեր` Արմեն Համբարձումյան

Պրոդյուսեր` Կարեն Ղազարյան

Գլխավոր պրոդյուսեր` Ռուբեն Ջաղինյան